Kimi no Na wa

終於睇咗君の名は。 得罪講句，我覺得唔好睇。

—Spoiler alert—

當你係戀愛動畫睇，又唔係好夠角色發展，無啦啦咁就鍾意人，無厘頭；又唔夠感性，當冇人信你，都仲要諗點樣救晒全村人，而喺過程中要自己鍾意嘅人冒生命危險去做。

當你係科幻動畫睇，又唔夠理性，既然有晒歷史文獻記載，應該可以用一啲短期內即將發生嘅事嚟證明自己係未來嚟，令人信你；而且雙方都唔知時間線相距三年亦講唔通，就算你完全唔睇報紙唔上網唔食任何貼有過期日期嘅嘢食，每個日期所對應嘅星期都唔同啦，今年一月十五日係星期日，三年前一月十六日係星期四呀（365×2+366-1 ≡ -4 (mod 7)）。

最後，彗星爆一半出嚟嗰幕，違反Conservation of momentum。見圖，未爆前mass m，momentum 只有tangential component，爆完係m/2 只有tangential component，m/2 同時有tangential 同normal component。

P.S. 圖下面兩粒紅點係國泰個touchscreen 嘅紅內線燈，肉眼係睇唔到嘅。

P.P.S. 其實我睇完5cm/s 都覺得冇乜特別。